Ymunwch â’n rhwydwaith newydd ar gyfer Ymchwilwyr ar ddechrau neu ar ganol eu gyrfa

Os ydych chi’n ymchwilydd canser ar ddechrau neu ar ganol eich gyrfa ac wedi’ch lleoli mewn prifysgol neu gorff y NHS yng Nghymru, ymunwch â rhwydwaith newydd Canolfan Ymchwil Canser Cymru i Ymchwilwyr ar Ddechrau neu ar Ganol eu Gyrfa. Rydyn ni’n gobeithio dod ag ymchwilwyr canser clinigol ac anghlinigol at ei gilydd i feithrin gwaith ar y cyd ym mhob rhan o’r maes, datblygu cymuned gefnogol a chynnig cyfres o ddigwyddiadau hyfforddi.

Os hoffech chi gymryd rhan yn y fenter newydd hon neu os oes gennych chi unrhyw awgrymiadau/ymholiadau ynghylch y digwyddiadau hyn, cysylltwch â Dr Helen Pearson (Cyfarwyddwr Cyswllt, Canolfan Ymchwil Canser Cymru).

Sylwch, os nad ydych chi’n siŵr a ydych chi’n ymchwilydd sydd ar ddechrau neu ar ganol eich gyrfa, neu os hoffech chi ddod draw beth bynnag, cofrestrwch!

Cynhelir y cyfarfod nesaf ddydd Iau 22 Ionawr 2026 15:00-16:00 ar-lein

Am ragor o wybodaeth a dolen i ymuno â’r cyfarfod, gweler y daflen isod:

Cofrestrwch isod, neu e-bostiwch wcrc@caerdydd.ac.uk os oes gennych unrhyw gwestiynau.

Mae Cynllun Mentora Rhwydwaith Canser Cymru i Ymchwilwyr ar Ddechrau neu ar Ganol eu Gyrfa (EMCR) bellach yn fyw! Edrychwch yn ôl ar y dudalen hon am ddiweddariadau ynghylch pryd y bydd y rownd nesaf o gofrestru’n agor. Os hoffech fod yn fentai a/neu’n fentor, cofrestrwch eich diddordeb yma: Holiadur Paru Mentor/Mentai WCRC EMCR – Llenwch y ffurflen. Bydd pwyllgor EMCR yn cysylltu â chi pan fydd y rownd baru nesaf yn digwydd, er mwyn eich paru â’ch mentor/mentai newydd!

Cyflwyniadau blaenorol a gynhaliwyd gan y Rhwydwaith Ymchwilwyr ar Ddechrau neu ar Ganol eu Gyrfa (EMCR):

25 Medi 2025: Cyflwyniad diddorol gan dîm Cymrodorion Ymchwil Canser y DU (CRUK) yn trafod awgrymiadau defnyddiol ar gyfer ceisiadau am gymrodoriaeth: