Mynd i'r cynnwys

Cynnwys cleifion a’r cyhoedd

Mae ein partneriaid ymchwil cleifion a’r cyhoedd wrth galon gweithgarwch yr WCRC, gan ddarparu mewnbwn strategol i’n gwaith.

Cynnwys y cyhoedd yn ein gwaith

Rydym yn cynnwys pobl sydd â phrofiad uniongyrchol o ganser fel claf neu ofalwr wrth ddylunio a chyflwyno ein hastudiaethau ymchwil. Trwy rannu eu profiadau personol gyda ni, mae cyfranwyr cyhoeddus yn sicrhau bod ein gwaith yn berthnasol i anghenion a phryderon pobl.

Rydym hefyd yn cefnogi aelodau’r cyhoedd i ddylanwadu ar ein nodau a’n diddordebau ymchwil hirdymor. Maent yn rhannu eu safbwyntiau trwy gymryd rhan mewn grwpiau a phwyllgorau strategol, yn helpu i ddatblygu adnoddau, ac yn cynghori ymchwilwyr a’r tîm ehangach ar arfer gorau cynnwys y cyhoedd.

Rydym wedi ymrwymo i gefnogi ac annog cyfraniad y cyhoedd mewn ymchwil yn unol â Safonau’r DU ar gyfer Cynnwys y Cyhoedd. Mae gennym Gynllun Gweithredu Cynnwys y Cyhoedd, ac rydym yn cydweithio â’n cyllidwr Ymchwil Iechyd a Gofal Cymru i rannu dysgu ac arfer gorau cynnwys y cyhoedd.

Gall aelodau’r cyhoedd ddod o hyd i gyfleoedd a gwybodaeth ar sut i helpu gydag ymchwil ar wefan Ymchwil Iechyd a Gofal Cymru.

Cymorth i ymchwilwyr

Gellir dod o hyd i wybodaeth hefyd i ymchwilwyr sydd am gynnwys y cyhoedd mewn ymchwil, gan gynnwys manylion cyswllt eu tîm cynnwys ymroddedig a all gynnig cymorth uniongyrchol gyda hyrwyddo cyfleoedd cynnwys a mynediad at gyllid cynnwys cyn-grant.

Mae’r Grŵp Ymateb Cyflym bellach wedi’i ddiddymu. Anogir ymchwilwyr sy’n chwilio am gymorth gyda chynnwys y cyhoedd a cheisiadau am gyllid i fanteisio ar Glinigau Cynnwys y Cyhoedd misol Iechyd a Gofal Ymchwil Cymru a’r Gronfa Galluogi Cynnwys. Ceir rhagor o wybodaeth drwy Cynnwys y cyhoedd yn eich ymchwil | Iechyd a Gofal Ymchwil Cymru. Hoffai WCRC ddiolch i’r holl Bartneriaid Cynnwys y Cyhoedd ac ymchwilwyr a gyfrannodd at y Grŵp Ymateb Cyflym am eu cyfraniad gwerthfawr a’u cefnogaeth.

Partneriaid Ymchwil PPI

Dr Sally Anstey

Mae Molly yn eiriolwr dros iechyd ieuenctid sydd wedi ymwneud â rolau PPI ym meysydd iechyd meddwl, iechyd menywod a chlefydau prin a llai goroesadwy sy’n effeithio’n anghymesur ar bobl ifanc – tiwmorau ar yr ymennydd yn benodol – yn ystod y tair blynedd diwethaf, mewn swyddogaeth broffesiynol a phersonol. Gan fyw gyda’i diagnosis ei hun o diwmor ar yr ymennydd, a chefnogi aelod o’r teulu sydd â diagnosis tebyg, mae Molly yn angerddol am sicrhau bod llais y claf a’r cyhoedd yn ganolog i bob mater sy’n effeithio ar y rhai sy’n byw trwy’r profiad, yn enwedig y rhai sy’n cael eu tangynrychioli neu sy’n aml yn cael eu hanwybyddu.

Julie Hepburn

Cafodd Julie driniaeth lwyddiannus ar gyfer canser y coluddyn cam 3 9 mlynedd yn ôl ac ers hynny mae wedi bod yn ymwneud yn helaeth â chynnwys y cyhoedd, yn bennaf ym maes canser. Mae hi mae’n ymwneud â phrosiectau ymchwil canser sy’n amrywio o sgrinio a chanfod yn gynnar i lawdriniaeth, triniaeth a gofal lliniarol

Bob McAlister

Mae Bob wedi bod yn Partner Ymchwil yn y WCRC ers 2017. Mae ei ddiddordeb yn y pwnc yn deillio o golli aelodau o’r teulu i’r afiechyd. Mae ganddo ddiddordeb arbennig mewn treialon cyfnod cynnar ond mae wedi bod ar grwpiau rheoli treialon amrywiol ar gyfer Ymchwil Canser. Ar lefel y DU ef yw unig aelod y cyhoedd ar Weithgor Safonau’r DU ar gyfer Cynnwys y Cyhoedd.

Dr Kathy Seddon

Mae Kathy wedi bod yn Bartner Ymchwil yng nghanolfan ymchwil WCRC a Marie Curie ers deng mlynedd. Mae hi’n Llais Ymchwil Marie Curie ac yn aelod o’u grŵp Polisi ac Ymchwil. Mae hi wedi cyfrannu at lawer o ymchwil yn aml fel Cyd-ymgeisydd PPI. Mae’r prosiectau mwyaf diweddar yn cynnwys Profedigaeth, Tiwmorau ar yr Ymennydd, Prosiect Rhyngwladol SERENITY a’r offeryn olrhain PPI PIRIT newydd sydd wedi’i ddatblygu ar y cyd.

Kate Febry

Profodd Kate ganser y fron ei hun ac ers hynny mae wedi gwirfoddoli’n helaeth i nifer o elusennau canser. Mae hi’n tynnu ar ei phrofiad bywyd i roi safbwynt claf, gan helpu i lywio strategaethau, canllawiau, gwasanaethau a buddsoddiadau mewn arloesiadau canser newydd. Yn ogystal â’i gwaith eirioli dros gleifion, mae hi’n cynrychioli barn gwirfoddolwyr yn ffurfiol ar gyfer elusen fawr. Mae hi’n angerddol am sicrhau bod lleisiau cleifion yn cael eu clywed ac yn dylanwadu ar eu gofal iechyd yn weithredol.

Carole Eccles

Bu Carole ar ei thaith canser ei hun yn 2022 a derbyniodd gefnogaeth anhygoel. Mae hi bellach wedi ymddeol ac eisiau rhoi rhywbeth yn ôl drwy waith gwirfoddol. Ar hyn o bryd mae hi’n aelod o Fforwm Cleifion Canser Gogledd Cymru a grwpiau cymorth lleol ar gyfer canser y fron. Mae hi hefyd wedi bod yn gweithio fel cynrychiolydd PPI ar ddau brosiect dan arweiniad prifysgol ac mae ganddi brofiad fel cynrychiolydd cleifion ar Grŵp Cynghori Clinigol Canser y Fron BIPBC. Mae hi wastad wedi credu bod cydweithio â phobl sydd â phrofiad personol yn arwain at ganlyniadau llwyddiannus ac mae’n gefnogwr brwd o gyd-gynhyrchu i helpu i greu gwasanaethau sy’n canolbwyntio ar y person a gwella ansawdd gwasanaethau.

Dr Pam Smith – Arweinydd Academaidd ar gyfer Cynnwys y Cleifion a’r Cyhoedd

Mae Dr Pamela Smith yn Gydymaith Ymchwil yn y tîm Sgrinio, Atal a Diagnosis Cynnar Canser yn yr Is-adran Meddygaeth Poblogaeth. Mae ganddi gefndir mewn gwyddor ymddygiad ac yn ddiweddar dechreuodd ei rôl fel yr Arweinydd Academaidd ar gyfer Cynnwys Cleifion a’r Cyhoedd yn y Ganolfan. Mae ei diddordebau ymchwil yn cynnwys sgrinio am ganser yr ysgyfaint a rhoi’r gorau i ysmygu gyda ffocws penodol ar leihau anghydraddoldebau iechyd. Bydd ei rôl fel Arweinydd Academaidd ar gyfer Cynnwys y Cleifion a’r Cyhoedd yn ei gweld yn gweithio gyda’r Grŵp Partner Ymchwil ar wella cydraddoldeb ac amrywiaeth mewn PPI.

Newyddion PPI diweddaraf: