Mae Dr Daniella Holland-Hart, cyn-ymchwilydd a ariannwyd gan WCRC yng Nghanolfan Ymchwil Canser Cymru, wedi arwain astudiaeth a gyhoeddwyd yn ddiweddar yn BMJ Open sy’n archwilio safbwyntiau cyfranogwyr yn astudiaeth VALTIVE1. Mae VALTIVE1 yn astudiaeth fiomarcio arsylwadol, heb ei hapsamplu i bennu gwerth clinigol mesur crynodiadau Tie2 plasma mewn cleifion â chanser yr ofarïau sy’n derbyn bevacizumab.
Mae’r erthygl, o’r enw “Participants’ perspectives of the advanced ovarian cancer biomarker study VALTIVE1: a qualitative study” yn trafod profiadau cyfranogwyr o gymryd rhan yn yr astudiaeth a derbyn y triniaethau. Archwiliodd hefyd sut y byddai cyfranogwyr yn teimlo am roi’r gorau i gymryd bevacizumab pe bai’r prawf gwaed yn dangos nad oedd bevacizumab yn gweithio yn ystod treial hampsamplu VALTIVE2 posibl.
Nododd yr erthygl fod y rhan fwyaf o gyfranogwyr yn teimlo y byddai’n dderbyniol, neu y byddai hyd yn oed yn well ganddynt gael eu rhoi mewn grŵp mewn astudiaeth VALTIVE2 yn y dyfodol lle bevacizumab yn ôl canlyniadau’r prawf biomarcio. Dewis clir y cyfranogwyr oedd cael gwybod am ganlyniadau’r prawf biomarcio a sgil-effeithiau’r driniaeth yn y tymor hir.
Mae canfyddiadau’r astudiaeth yn cynnig syniadau gwerthfawr er mwyn gwella profiadau cyfranogwyr mewn treial VALTIVE2 posibl, gan gynnwys cael gwybod am ganlyniadau’r prawf biomarcio, statws eu hiechyd a chefnogaeth barhaus i ddelio â sgil-effeithiau’r driniaeth.
Mae’r erthygl lawn ar gael yn BMJ Open