Mynd i'r cynnwys

Cynhadledd Ymchwil Canser Cymru

Mae cynhadledd flynyddol y Ganolfan Ymchwil Canser Cymru yn dod ag ymchwilwyr a rhanddeiliaid ynghyd o bob rhan o’r DU. 

Ynglŷn â’r gynhadledd

Mae Cynhadledd Ymchwil Canser Cymru 2025 yn gyfle i ymchwilwyr canser yng Nghymru ymgynnull ar draws arbenigeddau, sefydliadau a meysydd ymchwil. Gyda siaradwyr o Gymru a’r DU, bydd cyflwyniadau’n ymdrin â’r datblygiadau diweddaraf ym maes ymchwil canser, a bydd cyfleoedd i ymwneud â chydweithwyr yn helpu i ysgogi partneriaethau yn y dyfodol.

Cyfleoedd noddi

Mae Cynhadledd Ymchwil Canser Cymru yn cynnig cyfleoedd noddi gwerthfawr i sefydliadau sydd am gysylltu ag ymchwilwyr blaenllaw, gweithwyr gofal iechyd proffesiynol, a llunwyr polisïau ym maes ymchwil canser. Trwy fod yn noddwr, gallwch chi arddangos eich brand, tynnu sylw at eich ymrwymiad i hyrwyddo ymchwil canser, ac ymgysylltu’n uniongyrchol â rhanddeiliaid allweddol. Mae ein pecynnau nawdd wedi’u teilwra yn cynnig gwelededd rhagorol trwy fannau arddangos, cyfleoedd i siarad, a deunyddiau hyrwyddo. I gael rhagor o wybodaeth am sut i gymryd rhan yn nigwyddiad 2026 cysylltwch â ni.

Crynodebau a gyflwynwyd 2025

Cynhaliodd Canolfan Ymchwil Canser Cymru (WCRC) ail gynhadledd flynyddol Ymchwil Canser Cymru ar 3 Mawrth 2025, gan arddangos ehangder yr ymchwil sydd ar waith ledled Cymru. Gwnaethon ni dderbyn nifer helaeth o gyflwyniadau crynodeb yn amlygu amrywiaeth eang a chynhwysfawr y gwaith ymchwil sy’n cael ei gynnal yma yng Nghymru. Cyflwynwyd pob crynodeb yn unol ag un o themâu CReSt [link to CReSt]:

  • Thema 1: Oncoleg fecanistig a manwl
  • Thema 2: Imiwno-oncoleg
  • Thema 3: Radiotherapi
  • Thema 4: Treialon clinigol canser
  • Thema 5: Oncoleg gefnogol a lliniarol
  • Thema 6: Ymchwil yn ymwneud ag atal, canfod cynnar, gofal sylfaenol a gwasanaethau iechyd

Isod mae teitlau, awduron a sefydliadau’r holl grynodebau a gyflwynwyd.
Yn dilyn proses adolygu a gynhaliwyd gan ein harweinwyr themâu academaidd ac aelodau o’r rhwydwaith i unigolion ar ddechrau ac ar ganol eu gyrfaoedd, dewiswyd un person fesul thema i gyflwyno crynodeb llafar yn y gynhadledd – mae’r rhain wedi’u rhestru o dan y pennawd ‘crynodebau sgyrsiau sydyn’, ac oddi tanyn nhw mae’r holl grynodebau eraill a gyflwynwyd ar ffurf posteri i’r gynhadledd, wedi’u rhannu yn ôl thema CReSt.

Abstract titles 2025Download

Newyddion diweddaraf