Roedd Canolfan Ymchwil Canser Cymru (WCRC) wrth ei bodd yn cymryd rhan yn Eisteddfod Genedlaethol eleni yn rhan o stondin Prifysgol Caerdydd, gan roi cyfle i ymwelwyr gael rhagor o wybodaeth am yr ymchwil i ganser sy’n cael ei gynnal ledled Cymru.
Drwy gydol y dydd, croesawodd tîm Canolfan Ymchwil Canser Cymru (WCRC) bobl o bob oed i’r stondin. Gwnaethon nhw fwynhau amrywiaeth o weithgareddau rhyngweithiol a gynlluniwyd i sbarduno sgyrsiau am wyddoniaeth ac ymchwil. Uwch ddarlithydd clinigol rhanbarthol
Trwy’r gweithgareddau cafwyd cyfle gwych i siarad ag aelodau o’r cyhoedd am rôl hanfodol ymchwil wrth wella’r broses o atal, rhoi diagnosis a thrin canser. Cafodd y tîm lawer o sgyrsiau ysbrydoledig gyda phobl a oedd yn awyddus i ddysgu mwy am yr ymchwil sy’n cael ei gynnal yng Nghymru ac i drafod beth allai datblygiadau arloesol yn y dyfodol ei olygu i gleifion a’u teuluoedd.
Mae digwyddiadau fel yr Eisteddfod Genedlaethol yn cynnig cyfle gwych i gysylltu â chymunedau ledled Cymru, ateb cwestiynau am ymchwil i ganser, ac yn rhoi cyfle gwych i ni ymarfer siarad Cymraeg!
Diolch yn fawr iawn i dîm Cyfathrebu ac Ymgysylltu Prifysgol Caerdydd am wahodd y WCRC i fod yn rhan o stondin eleni, ac i bawb a alwodd heibio i gymryd rhan yn ein gweithgareddau a rhannu eu syniadau.
Diolch yn fawr – rydyn ni’n edrych ymlaen at ddychwelyd y flwyddyn nesaf!